[i5o4]
DE LA VILLE DE PARIS.
89
ou fere visiter plusieurs batons que led. sr escrip­voit estre es hostelz de la ville de Paris, l'ostel de la Royne près S' Pol M et autres maisons, et que led. tresorier des guerres envoyoit Nicolas Herberoy, son nepveu, pour veoir le nombre desd, batons et en advertir le Roy. En ensuivant lesquelles lettres, mesd. srs les Prevost et Eschevins feirent mener led. Herbroy en la bastille S' Anthoine et l'ostel de la Royne, où fut trouvé le nombre des picques qui ensuit :
Premierement en lad. Bastille furent trouvez
trois mil six cens bonnes picques ; plus en lad. Bastille furent trouvéez mil soixante picques de nulle valeur. Item, illec fut trouvé deux mil fers bons, dont le bois est de nulle valeur.
En l'ostel de la Royne fut trouvé quatorze cens bonnes picques ferrées. Item, illec fut trouvé deux cens cinquante futz de picques bons. Item, illec fut trouvé sept vingtz bons fers de pic­ques.
Fet le viii0 jour de Janvier l'an mil cinq cens et trois.
CLVI1I. — Ordonnance sur les patrons et raisons de frere Joconde et Jehan de Felin,
M0 DES EUVRES, QUE LESD. RAISONS DUD. JOCONDE SERONT TRANSLATEES EN FRANÇOIS.
9 mars 15o4. (Fol. 116 r°.) <-'
Le ixc jour de Mars l'an mil cinq cens et 1rois, en la Chambre du Conseil ou Palais àParis, où es­toient mess" mc Jehan de Gannay, president en Par­lement; monsr de Lodesve'3', maistre Jehan Cham­bellan, conseiller en lad. Court de Parlement; mess'1 les Prevost des Marchans et Eschevins de la ville de Paris; sire Denis Hesselin, me Jehan de Marle, 111° Jacques Vauquier, m" Anthoine Hesselin, Conseil­lers de lad. Ville; s0 Jehan Le Riche, Pierre Cosse, Denis Godeffroy, Hugues de Neufville, Jehan Hebert, Henrry Gomont, Nicolas Crespy, sc Jehan Croquet, Quarteniers d'icelle Ville ; Jehan Baudin, Guillaume Le Caron, bourgois d'icelle ville : où furent monstrées deux patrons, l'un baillé par frere Jehan Joconde, et l'autre par Jehan de Felin, maistre des euvres
de maçonnerie de lad. ville, et chascun d'eulx baillé ses raisons par escript sur iceulx patrons ;
Et pour ce que led. Joconde bailla sesd, raisons par escript en latin<4', que tous les dessud, assistens n'eussent bonnement entendu, ordonné fut que lesd, raisons dud. Jocunde se translateroient en françois par mc Jaques Rebours, Procureur de lad. Ville, avecques led. Jocunde; à ce que mesd. s" les Prevost des Marchans et Eschevins, avecques les Conseillers, Quarteniers et bourgois de lad. ville, puissent mieulx et seurement deliberer de ce qui est à faire. Et après sera faicte plus grant assemblée pour ouyr led. translat dud. Jocunde, ensemble les raisons dud. de Felin, pour en conclurre pour le mieulx.
CLIX. —Pour fere et tendre les alignemens par les Mes des euvres de maçonnerie et charpenterie
DE LAD. VILLE POUR VEOIR, SUR LE JECT ET PATRON DUD. JOCONDE , LA HAULTEUR DU PAVE DUD. PONT.
28 mars et 2 avril i5o4. (Fol. 116 v°.)
Le Xxviii0 jour dud, mois de Mars cinq cens et trois', en lad. Chambre du Conseil où estoient monsr m° Jehan de Gannay, president en Parlement; mons1 de Lodesve <5' ; mess0 Denis de Bidant, chevalier, pre­sident des Comptes; mess" les Prevost des Marchans et Eschevins de la ville de Paris ; m° Jehan Hurault, president des generaulx de la Justice; mM Jehan Bouchart, Jehan Chambellan, ..... Cineret, Si-
mon Radin, conseillers en lad. Court de Parlement; s° Denis Hesselin, monsr le tresorier Jehan Le Gendre, sc Pierre de La Poterne, s" Jehan Le Lievre, Conseillers d'icelle Ville; Jehan Eschars, Jehan He­bert, m° Estienne Savin, Nicolas Crespy, Henrry Gomont, Hugues de Neufville, Quarteniers de lad. Ville; sire Raoul de Hacqueville et Jehan Baudin, bourgeois;
O L'hôtel de ttla Royne,n plus anciennement dit de «la Pissote," était l'un des palais dont l'ensemble composait l'hôtel royal de Saint-Paul.
<s) Au Registre, celte «ordonnance" suit immédiatement l'article en date du 1" juin i5o3, ci-dessus n° CXLV.
(3) Voir la note de la page 39.
(4> On sait que fra Giocundo était un moine cordelier de Vérone.
(-) Voir la note de la page 39.